Bungwe la Center for Community Empowerment Initiative lakwanitsa kupereka katemera othana ndi Chiwewe kwa agalu okwana 52,000 m’maboma anayi achigawo cha ku mpoto.
Ntchitoyi yomwe akugwira pansi pa ndondomeko yotchedwa Action Towards Ending Rabies Project {ATERP), inali yachaka chimodzi ndipo inayamba mu mwezi wa October 2023 ndipo yatha mu October 2024.
Mmodzi mwa akuluakulu Ku Bungweli Sangwani Mtegha Wauza Projectm kuti ichi ndi chigawo choyamba ndipo kuti mwayi ukapezeka akhale akupitiriza ntchitoyi.
“Pambali popereka katemerayu takwanitsanso kuphunzitsa eni agalu okwana 1331 mene angasamalire agalu awo kuti apewe matenda osiyanasiyana omwe amabwera kamba kakusowa kachidwi cha eni ake agalu, ” iwo adatero.
Ntchito yomwe akugwira m’maboma a Nkhata Bay, Rumphi, ku mpoto kwa boma la Mzimba ndi Karonga, anthu okwana 5000 ndiomwe anatengapo gawo pa msonkhano yoziwitsa komaso kumema anthu za katemerayu.
“Ndife okondwa kuti chagawo choyamba cha ntchitoyi chayenda bwino kwambiri ndipo tili ndichikhulupiliro chose kuti chigawo chachiwiri chiyenda bwino, ndipo ndi khumbo lathu lofikira palipose Malawi muno pofuna kuthana ndi vuto limeneri,” Mtegha anafotokozanso.
Kumbali yake yemwe wabaitsa katemela agalu ake Rodice Nyachirwa ochokera m’boma la Nkhatabay kwa TA Kabunduli wati ndi okondwa kamba kantchitoyi ponena kuti tsopano akwanitsa kuteteza nthawi komaso chuma chake chomwe amaononga agalu awo akaluma munthu.
“Mukudziwa galu akaluma munthu ngati sitinabayitse timayenera tizipeleka ndalama yoyendera kupita kuchipatala ndipo ena mpaka amatinyanyalira kuchipatala timapita nawo tokha zomwe zili zobwezerana mbuyo ndepano tukhala ndi ufulu onse tsopano, zikomo kwambiri a Center for Community Empowerment Initiative” anatero Nyachirwa.
Bungweli likugwira limodzi ntchitoyi mothandizana ndima bungwe a Veterinarians Without Borders, Edgard & Cooper and Global Alliance for Rabies Control.
